Zehazki, prezioak %1,7 jaitsi ziren maiatzean aisialdian eta kulturan, %0,7 garraioan, %0,3 etxebizitzan, %0,2 komunikazioetan, eta %0,1 elikagaietan eta alkoholik gabeko edarietan.
Aitzitik, jantzien eta oinetakoen kopuruak %4,3 egin du gora, etxeko tresnerian %0,7, hotel, kafe eta jatetxeetan %0,6, eta edari alkoholdunetan eta tabakoan %0,1. Prezioak ez ziren aldatu medikuntzan eta irakaskuntzan.
Urte arteko datuei erreparatuta, prezioak %8,5 jaitsi egin dira Nafarroan etxebizitzetan, garraioan %8,5, aisialdian eta kulturan %0,3 eta medikuntzan %0,2. Aldiz, elikagaiek eta alkoholik gabeko edariek %3,7 egin zuten gora, hotel, kafe eta jatetxeek %1,9, jantzi eta oinetakoek %1, tresneriak 0,3, irakaskuntzak %0,2 eta komunikazioek %0,1. Ez ziren aldatu edari alkoholdunetan eta tabakoan.
Aurten, KPIa %1,7 jaitsi da. Prezioak jaitsi diren taldeak hauek dira: garraioan %81, etxebizitzan %6,6, aisia eta kulturan %2,7, jantzi eta oinetakoetan % 1,3 eta medikuntzan %0,1.
Bestalde, prezioak igo egin dira hoteletan, kafetegietan eta jatetxeetan %2,2, elikagaietan eta alkoholik gabeko edarietan %1,7, komunikazioetan %0,7, edari alkoholdunetan eta tabakoan %0,3 eta etxeko tresnerian %0,2. Prezioak ez ziren aldatu irakaskuntzan.
