Nafarroako Industria Ekoizpenaren Indize Orokorra (IPIN) %40,1 jaitsi zen apirilean, urte arteko terminoetan, eta Energia adarra kontuan hartu gabeko indize orokorra %43,1 jaitsi zen. Nafarroako Estatistika Institutuak emandako datuak dira.
Institutuak zehaztu duenez, alarma egoera aitortzeak eta funtsezko zerbitzurik ematen ez zuten besteren konturako langileei baimen ordaindu berreskuragarria indarrean jartzeak Nafarroako industria ehunaren zatirik handiena ia erabat geldiaraztea eragin zuten apirilaren lehen zatian, eta, ondoren, jarduera pixkanaka eta mailakatuta berriro hasiz joan da.
Aurtengo urtarriletik apirilera bitartean, tasa %10,3 jaitsi da 2019arekin alderatuta.
Apirilean Nafarroan industria ekoizpenaren urte arteko beherakada, batez ere, garraio materialaren adarrean kalkulatutako uzkurduratik dator (-%90,8), atuaok gutxiago fabrikatzen direlako: 2019ko apirilean fabrikatutako 25.897tik 2020ko hilabete berean ekoitzitako 871 autora; Industria metalikoetan (-%40,4), eta neurri txikiagoan beste manufaktura industria batzuetan (-%24,8) ere beherakada nabarmena izan da.
Ekoitzitako ondasunen erabilera ekonomikoari dagokionez, eta 2019ko apirilarekin alderatuta, erabilera talde guztietan egin du behera: kontsumo ondasunetan (-%19,9), bitarteko ondasunetan (-%31,6) eta inbertsio ondasunetan (-% 72,4).