Manifestua bultzatu duen Txantrea auzoko preso politiko ohien taldeak "oso positibotzat" jo du deialdiari emandako erantzuna, berrehun bat euskal preso eta preso politiko ohik sinatu baitute idazkia.
Ekimenarekin, kartzeletan sortutako aldarrikapenei babesa eman nahi diete, eta Patxi Ruiz Txantreako bizilagun eta preso politikoaren egoera kezkagarria "salatzeko, babesteko eta konpontzeko" mekanismoak martxan jartzeko konpromisoa agertu nahi dute. Dinamikak, Ruizen egoera nabarmentzeaz gain, bere aldarrikapenak azpimarratzen ditu, kartzelako sistemari eta koronabirusaren ondorioz ezarritako bizi baldintza gogorrei erreferentzia eginez.
Idatzian nabarmendu dutenez, euskal preso politikoek pairatzen duten eskubide urraketak salaketa eta erantzun "iraunkorra" eskatzen du. Halaber, gaineratu dute, ahal duten neurrian, ekimen berriak sortzen joango dira, eta "inertziak gainditzen eta euskal preso politikoak aberriratzeko bidean aurrera egiten" lagunduko duten lan-espazioak irekitzen lagunduko dute.