Alarma egoeraren luzapena dela eta bertan behera geratu ziren hainbat oposizio, lekualdatze lehiaketa eta deialdietako administrazio-epeak ekainaren 1ean zabalduko dira berriro. Gainera, ekainaren 5ean argitaratuko dira Nafarroa.eus atarian atezain eta zaintzaile gerontologikoen deialdien inguruko epeak.
Zehazki, ekainaren 1ean, ondorengo prozeduren epeak abian jarriko dira:
- Liburutegiko arduradunaren oposaketa: parte hartzeko eskaerak aurkezteko epea abian izango da 21 egun naturaletan; hortaz, 2020ko ekainaren 22an amaituko da.
- Foruzaingoko agentearen oposaketa: euskara eta gidatzeko baimena egiaztatzeko epea 6 lanegunekoa izango da; beraz, 2020ko ekainaren 8an amaituko da.
- Sistema Informatikoetako Ofizial Teknikoaren oposizioa: bigarren probaren behin-behineko emaitzei alegazioak aurkezteko epea 2 egun baliodunekoa izango da, 2020ko ekainaren 2ra bitarte.
- Liburutegiko arduradunaren leku-aldaketa lehiaketa: parte hartzeko eskaerak aurkezteko epea egun natural 1ekoa izango da; beraz, 2020ko ekainaren 1ean amaituko da.
- Osasun-arloko Kudeaketako teknikariaren leku-aldaketa lehiaketa: parte hartzeko eskaerak aurkezteko epea egun natural 1ekoa izango da; beraz, 2020ko ekainaren 1ean amaituko da.
- Mantentze-lanetako lehen mailako Ofizial/Ofizialaren leku-aldaketa lehiaketa: euskara eta kargen erabilera egiaztatzeko epea 7 egun baliodunekoa izango da; beraz, 2020ko ekainaren 9an amaituko da.
- Mendi Ingeniarien aldi baterako deialdia: parte hartzeko eskaerak aurkezteko epea abian izango da 6 egun baliodunetan; beraz, 2020ko ekainaren 8an amaituko da.
- Gidariaren aldi baterako deialdia: parte hartzeko eskaerak aurkezteko epea abian izango da egun baliodun 1ean; beraz, 2020ko ekainaren 1ean amaituko da.
- Arkitektoaren aldi baterako deialdia: onartuen eta baztertuen behin-behineko zerrendei erreklamazioak aurkezteko epea 3 egun baliodunekoa izango da; beraz, 2020ko ekainaren 3an amaituko da.
- Albaitariaren aldi baterako deialdia: onartuen eta baztertuen behin-behineko zerrendei erreklamazioak aurkezteko epea 3 egun baliodunekoa izango da; beraz, 2020ko ekainaren 3an amaituko da.
Era berean, ekainaren 5ean (ostirala), Navarra.es atarian argitaratuko dira oposizioaren deialdiaren fitxetan, epeak irekitzen dituzten ondorengo Ebazpenak:
- Atezaina: oposiziotik eratorritako aldi baterako kontrataziorako izangaien behin-behineko zerrendak onartzen dituen ebazpena, 10 egun balioduneko epea irekitzen duena zonak aukeratzeko, lanaldi partzialetako kontratuak aukeratzeko, euskara egiaztatzeko eta erreklamazioak aurkezteko.
- Zaintzaile gerontologikoa: oposiziotik eratorritako aldi baterako kontrataziorako izangaien behin-behineko zerrendak onartzen dituen ebazpena, erreklamazioak aurkezteko 10 egun balioduneko epea irekitzen duena.
Administrari laguntzailearen eta haur-hezitzailearen oposizioaren alegazioak aurkezteko epea
Horrez gain, Administrari laguntzailearen oposizioari dagokionean, Administrari laguntzailearen oposizioaren epaimahaiak datozen egunetan iragarriko ditu bigarren probako CD-ak entregatzeko egunak, deialdiaren fitxan argitaratuko diren lekuan eta moduan, eta bigarren probako behin-behineko emaitzen aurrean alegazioak aurkezteko epea.
Era berean, Haur-hezitzailearen oposizioan, epaimahaiak datozen egunetan argitaratuko ditu plika telematikoak irekitzeko data, bigarren probako behin-behineko puntuazioak eta bigarren probako behin-behineko emaitzen aurrean alegazioak aurkezteko epea.
Argitalpenak NAOn
Ekainaren 1ean, NAOn argitaratuko da, Prestakuntza eta Enpleguko Erdi Mailako Titulatuaren oposizioari dagokionean, onartuen eta baztertuen behin-behineko zerrenda onartzen duen ebazpena, eta 10 egun balioduneko epea irekiko da erreklamazioak aurkezteko.
Halaber, ekainaren 1ean, NAOn argitaratuko dira leku-aldaketa lehiaketaren ondorengo deialdiak, eta parte hartzeko eskaerak aurkezteko epea irekiko da: Enpresa-zientzietan diplomatua, Ogasuneko Kudeatzaile laguntzailea eta ikertzailea eta Ogasuneko teknikaria.
Duela gutxi, Nafarroako Gobernuak iragarri zuen enplegu publikoa kontratatzeko deialdien eta zerrenden plangintza berria, COVID-19aren krisiak eragindako langileek betetzen dituzten postuetarako.