Osasun krisiaren ondorioz, Unibertsitatean Sartzeko Ebaluazioaren zenbait alderdi aldatu beharko dituzte aurten. Egoera horretan, NUP Nafarroako Unibertsitate Publikoak bideo labur bat egin du batxilergoko bigarren mailako ikasle nafarrei azaltzeko probetan izango diren aldaketak, COVID-19ren krisiaren ondoriozko egoerara egokitzeko egin dituztenak.
Bideoa hiru minutu eta hogei segundokoa da, eta gaztelaniazko eta euskarazko bertsioak ditu. Ikasleei zuzenduta dago zuzenean, eta Foru Erkidegoko ikastetxe guztiei eman zaie dagoeneko. Frogen egiturari eta urruntze eta higiene neurriei buruzko informazio guztia biltzen du.
Probak ekainaren 23an, 24an, 25ean eta 26an izango dira, Iruñeko eta Tuterako campusetan, baita zehazten diren institutuetan ere. Ariketak osasun eta hezkuntza agintariek ezarritako urruntze neurrien arabera egingo dituzte.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.