Nafarroako Gobernuak jakitera eman duenez, azken 24 orduetan 15 koronabirus kasu positibo izan dira Nafarroan, eta pertsona bat hil da koronabirusarekin. Guztira 510 dira epidemia hasi zenetik zendutakoak.
Ospitaleratzeei dagokienez, bi ospitaleratze izan ziren atzo. Egun 79 persona daude ospitaleratuta, 64 plantan, 112 ZIUn eta 3 etxean.
Espainiako Osasun Ministerioak emandako kasu guztien kopurua eta hildakoen kopurua murriztu egin da, igande honetan jakinarazitakoekin alderatuta; izan ere, astelehen honetan 5.195 kasu zenbatu dituzte Nafarroan, eta atzo, berriz, 5.219.
Bestalde, COVID-19k Nafarroan hildako pertsonen kopurua 509 izatetik 490 izatera igaro da. Osasun Ministerioak azaldu duenez, kasuak "banan-banan" balioztatzen ari dira, eta, ondorioz, "aurreko egunetako jakinarazpen agregatuaren inguruan desadostasunak egon daitezke".