Nafarroak bigarren fasera salto egiteko baimena jaso du

Nafarroako Gobernuko iturriek baieztatu dutenez, Espainiako Gobernuak baimena emango dio Foru Erkidegoari itxialdiaren arintze neurrien bigarren fasera pasatzeko. Astelehenean sartuko da indarrean fase berri hau.

Fase berri honetan bertan behera geratuko dira kirolak eta beste jarduerak egiteko ezarrita ziren ordutegi eta toki mugak, beraz herritarrak beren udalerritik ateratzeko aukera izanen dute. Saltoki handiagoak zabalduko dira eta tabernetan, kanpoaldeko terrazez gain, lokal barruko mahaiak erabiltzeko aukera izanen da ere.