Nafarroako Osasun Publikoaren eta Lan Osasunaren Institutuak gogorarazi du eskuak maiz eta egoki garbitzea, ura eta xaboia edo gel hidroalkoholikoa erabiliz, COVID-19ren aurkako prebentziorako neurri nagusietako bat dela, eta eraginkorragoa dela herritar guztientzat eskularruak erabiltzea baino.
"Eskularruak erabiltzeak babes faltsuaren sentsazioa eragin dezake, eta saihestu nahi dena baino arrisku handiagoa", azaldu du. "Besteak beste, eskularruak maiz eta etengabe erabiltzen direnean, eskuak gutxiago garbitzen direlako". Gainera, eskularruak eskuak bezala kutsa daitezkeela eta aurpegia, beste objektu batzuk edo edozein gainazal ukituz gero infekzio bat eragin dezaketela zehaztu du. Bestalde, kontuan izan behar da desinfektatzeko erabiltzen diren garbiketa produktu batzuek higatu egin ditzaketela.
Bestalde, gogorarazi du eskularruak kutsatu gabe kentzeak teknika espezifiko bat behar duela, eta teknika hori urratsez urrats jarraitu behar dela. "Eskuak jantzi aurretik eta kendu ondoren garbitzea garrantzitsua da", azpimarratu du.
Erabilera bakarreko eskularruak
Erabili eta botatzeko eskularruak erabiltzea gomendatzen da, adibidez, saltokietan frutak eta barazkiak aukeratzeko, orain arte egin den bezala; edo kutxazain automatikoetatik dirua ateratzean.
Establezimendu batek barruan erabilera bakarreko eskularruak erabiltzera behartzen badu, eskuak garbitu behar dira jantzi aurretik eta ondoren, eta establezimenduaren barruan bakarrik erabili behar dira. Irtetean, kentzea eta berariazko edukiontzi batean uztea gomendatzen da, establezimenduan bertan edo zaborraren hondakinen edukiontzian.
Nola garbitu eskuak
Osasunaren Mundu Erakundearen jarraibideen arabera, eskuak behar bezala garbitzeko, ura eta xaboia erabiliz gero, hau gomendatzen da:
- Busti eskuak eta bota xaboia esku-apzietan, behar adina.
- Elkarri esku-azpiak igurtzi.
- Hatzak gurutzatu, eskuak igurtziz.
- Hatzen atzealdea eta hatz lodien ingurua igurtzi, errotazio mugimendu batekin.
- Hatzen punta ere igurtzi.
- Eskuak garbitu.
- Erabili eta botatzeko eskuoihal batekin lehortu, txorrota ixteko erabiliko dena.