“Ezin dira segurtasun neurriak bete haur, lehen eta bigarren hezkuntzako ikasleak itzul daitezen”, adierazi du Carlos Gimeno Hezkuntza kontseilariak gaur Nafarroako Parlamentuan egin duten Hezkuntza batzordean.
Batxilergoko bigarren mailako ikasleak izango dira itzultzen bakarrak, ekainaren 1ean, unibertsitatean sartzeko ebaluazioa prestatzeko.
Alde horretatik, selektibitatea lau egunetan egingo dutela jakitera eman du: ekainaren 23tik 26ra. 4.500 ikaslek baino gehiagok parte hartuko dute. Orain arte, selektibitateak hiru eguneko iraupena izaten zuen.