Aurten ez da udako merkealdirik izango, edo ez orain arte bezala. Koroabirusaren pandemiaren ondorioz, establezimendu fisikoetan beherapenak debekatu dira, pilaketak eta, ondorioz, kutsatzeak saihesteko.
Larunbateko Espainiako Estatuko Aldizkari Ofizialean argitaratutako ministro agindu baten arabera, saltokiek "ezin izango dute jende pilaketak eragin ditzakeen merkataritza ekintzarik iragarri, ezta gauzatu ere, ez saltokiaren barruan, ez inguruan”.
Hala ere, neurri horrek ez du eraginik izango web orriaren bidez egiten diren beherapenezko salmentetan, ezta eskaintza edo promoziokoetan ere. Aurtengo beherapenak, aldaketarik ez badago, online izango dira. Beraz, web orririk ez duten establezimenduei egingo diete kalte; oro har, txikienei.
