Tuterako jaiak ere, bertan behera

Tuterako Udalak zabaldutako bideo baten irudi bat.

Udalak jakinarazi duenez, erabakia "aho batez" hartu dute peñekin, ostalariekin, Santa Anako Kongregazioarekin eta alderdi politikoekin batera.

Alejandro Toquero Tuterako alkateak gaur goizean iragarri du aurtengo Tuterako festak ere bertan behera geratuko direla, koronabirusaren pandemiaren eraginez. "Zaila da hau jakinaraztea, ez gaude jaietarako, baina iritsiko dira", adierazi du. 2021eko festetarako gogoak gordetzeko eskatu die herritarrei.

Jakinarazi dutenez, jaiak ez ospatzeko erabakia "aho batez" hartu dute, peñekin, ostalariekin, Santa Anako Kongregazioarekin eta alderdi politikoekin batera. Santa Ana jaiak bertan behera geratu ziren azken aldia Gerra Zibilan izan zen.