Espainiako Gobernuko Osasun Ministerioaren datuen arabera, azken 24 orduetan 30 koronabirus kasu berri erregistratu dituzte Nafarroan, PCR proba bidez baieztatutakoak; hazkundea %0,61koa izan da. Epidemia hasi zenetik erregistratutako positiboen kopurua 4.966 da. Aurreko eguneko datuekin alderatuta, hazkundea aipagarria da: astelehenean hemezortzi positibo berri izan ziren, eta igandean, hamasei.
Hildakoei dagokienez, kopurua aurreko egunetakoen antzekoa da: bost pertsona zendu dira azken egunean. Guztira, 476 dira hildakoak. Bestalde, hamar pertsona ospitaleratu dituzte, eta, bat Zainketa Intentsiboetako Unitateetan.
Alde positiboari erreparartuta, sendatutakoen kopuruak kutsatutakoena baino nabarmen handiagoa izaten jarraitzen du: 66k jaso dute alta epidemiologikoa. Osotara, 2.628 dira sendatutakoak.
