Espainiako Gobernuko Osasun Ministerioaren datuen arabera, azken 24 orduetan hamasei koronabirus kasu berri erregistratu dituzte Nafarroan, PCR proba bidez baieztatutakoak; hazkundea %0,33koa izan da. Epidemia hasi zenetik erregistratutako positiboen kopurua 4.918 da.
Bestalde, hildakoak lau izan dira azken egunean. Guztira, 466 dira hildakoak. Alde positiboari erreparartuta, sendatutakoen kopuruak kutsatutakoena baino nabarmen handiagoa izaten jarraitzen du: 83k jaso dute senda-agiria. Osotara, 2.494 dira. Halaber, lau pertsona ospitaleratu dituzte, eta, azken asteetan ia egunero bezala, bakar bat ere ez Zainketa Intentsiboetako Unitateetan.
