ETB3 Nafarroa osora zabaltzeko eskatu du katearen aldeko plataformak

Nafarroako Gobernuak aurreko legegintzaldian aurkeztutako "konponbide teknikoa" gauzatzeko Espainiak baimenik ematen ez duela salatu du plataformak.

Nafarroako toki gehienetan ETB3 ikusteko aukerarik ez dagoela salatu du ETB3ren aldeko plataformak: "Iritsi da itxialdia, haurrek egun guztia etxean eman behar izan dute zenbait astez, eta Nafarroako toki gehienetan ez dago ikusterik haurrentzako euskaraz dagoen kanal bakarra".

"Aurreko legegintzaldian, Nafarroako Gobernuak konponbide tekniko bat aurkitu zuen ETB3 Nafarroa guztian ikus zedin, eta baimena eskatu zion hainbatetan Espainiako Gobernuari, baina ez zuen erantzunik jaso", oroitarazi dute ohar bidez. Espainiako eta Nafarroako gobernuaei egoera konpontzeko asmorik ba ote dute galdetu die plataformak, Eskualdeetako edo Eremu Urriko Hizkuntzen Europako Ituna urratzen ari direla ohartaraziz.