Espainiako Gobernuko Osasun Ministerioaren datuen arabera, azken 24 orduetan 26 koronabirus kasu berri erregistratu dituzte, PCR proba bidez baieztatutakoak; hazkundea %0,5ekoa izan da. Epidemia hasi zenetik erregistratutako positiboen kopurua 4.759 da. Bestalde, lehen aldiz, ez da inor hil koronabirusarekin; guztira, 432 dira hildakoak.
Halaber, ez dute inor sartu behar izan Zainketa Intentsiboetako Unitatean, eta hiru lagun ospitaleratu dituzte. Sendatutako pazienteen kopuruari dagokionez, 1.918 dira, aurreko egunean baino 60 gehiago. Sendatutakoen kopurua hazkunde moteta izaten ari da, baina hildakorik ez izatea baieztatzen hasten da azken egunetako joera baikorra; izan ere, azken egunetan oso hildakoen kopurua baxua izan da.
