Kamioilari nafar bat hil zen atzo goizean N-240 errepidearen 330. kilometroan, bere kamioia iraulita, Esco herritik gertu, Nafarroa eta Aragoi arteko mugan, Esako urtegiaren ondoan. Gidatzen zuen kamioiaren hormigoi-makina beteta zegoen, eta irauli zenean, kamioilaria kabinan harrapatuta geratu zen.
Jakako Udaleko Larrialdi Zerbitzuak, Babes Zibilak, 061eko osasun zerbitzuek eta Guardia Zibilak jaso zuten abisua. Istripua eskuineko bihurgune itxi batean jazo zen, eta, oraindik argitzeke dauden arrazoiak tarteko, kamioia alde batera irauli zen.