Auzitegi Nazionala herriko tabernen kontuak enbargatzen hasi da

Euskalerria Irratia 2020ko api. 22a, 18:05

101 elkarte konfiskatzeko ebazpena eman zuen 2015ean Espainiako Auzitegi Gorenak, Auzitegi Nazionalak 2014ko uztailean emandako epaia berretsiz. Tartean daude, Iruñeko Aitzina eta Zurgai, Burlatako Zumagi, Tuterako Abardena, Tafallako Azoka, Altsasuko Herria Eginez eta Leitzako Torrea tabernak.

2015ko ekainean berretsi zuen Espainiako Auzitegi Gorenak, herriko tabernen inguruko 35/02 sumarioko epaia. 101 herriko taberna bahitzeko agindu, eta urtebete eta hiru hilabete eta urtebete eta hamar hilabete arteko kartzela zigorra ezarri zien hogei laguni. "ETAren egitura" finantzatzea egotzita. Auzitegi Nazionalak eman behar zuen horiek itxi eta enkantean jartzeko agindua. Eguna iritsi dela salatu du Sortu sare sozialetan. Espainiako Auzitegi Nazionala herriko tabernen auziko sententzia gauzatzen hasi da, haien kontu korronteak enbargatzeko agindua emanda.

 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!