Espainiako Gobernuko Osasun Ministerioak emandako datuen arabera, azken 24 orduetan gora egin du baieztatutako koronabirus kasuen kopuruak: 118 positibo gehiago baieztatu dituzte Nafarroan; astelehenean, berriz, 84 gehiago izan ziren.
Hala ere, sendatutakoen kopuruak ere nabarmen egin du gora: 126k jaso dute senda-agiria, eta aurreko egunean, berriz, 67k. Ondorioz, bigarrenez, sendatutakoen kopurua kutsatutakoena baino handiagoa da —igandean ere gertatu zen hori, lehen aldiz—. Bestalde, beste behin ere ez dute inor ZIUn sartu behar izan, eta ospitaleetako gune arruntetan 17 lagun sartu dituzte.
Azkenik, lau pertsona gehiago zendu dira, eta dagoeneko 401 dira koronabirusarekin hildakoak.
