Erronkariko osasun eremua da Nafarroan orain arte koronabirus kasurik erregistratu ez duen bakarra, baina Espainiako armada han izan da asteburuan, “desinfekzio lanak” egiten. Erronkaribarreko Batzordeko lehendakariak esan du ez dutela azalpen ofizialik jaso, eta ez dutela ulertzen zertara joan diren.
Jone Alastuey Uztarrozeko alkate eta Erronkaribarreko Batzordeko lehendakaria da. Kritikatu du ofizialki ez dutela militarren lan horien azalpenik jaso. Azaldu duenez, haiek badute suhiltzaile boluntarioen talde bat, eta beharrezkoak diren lanak egiten ari dira; horregatik, ez du ulertzen zergatik bidali dituzten militarrak euren herrietara.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.