Sortzen-ek bertan behera utzi ditu urtero udaberrian antolatzen dituen bi jaiak: apirilaren 25ean zen egitekoa bat, Sakanan, eta maiatzaren 17an bestea, Mendillorrin. Guraso elkarteen federazioaren asmoa eta nahia bi jaiok udazkenean egitea da, baina koronabirusaren pandemiaren garapena ikusi beharko da erabaki irmorik hartu aurretik.
Agiri batean, Sortzen-ek esan du "bizi dugun egoera larriak, Covid-19aren eraginez, eta bizitza osoan bezala, ondorio izugarriak" ekarri dizkiola hezkuntza eremuari. "Hezkuntza komunitateak eskola presentzialak apurtu eta udaberrirako programatutako jarduera gehienak geldiarazi behar izan ditu", azpimarratu du. Hori dela eta, "besarkada bat" helarazi die "eskolako ikasle, guraso, irakasle eta langile guztiei".
Halaber, Sortzen-ek defendatu duenez, "pertsonak eta ikasleak ikastetxean jarriko dituen hezkuntza eredu berri bat behar dugu, hezkuntza komunitatearen benetako beharrak zaindu eta aseko dituen hurbileko eredu bat, behetik gora eraikita dagoena".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
