Espainiako Gobernuko Osasun Ministerioak emandako datuen arabera, azken 24 orduetan 79 koronabirus kasu gehiago baieztatu dituzte Nafarroan, eta larunbatean, berriz, 77 gehiago izan ziren. Nafarroako kasu positibo guztietatik, 4.697 baieztatutako kasuak dira, eta gainontzeko 38ak antigorputzen testean positibo eman dutenak dira.
Bestalde, hildakoen kopuruak ere gora egiten jarraitzen du: atzo, hamasei pertsona hil ziren koronabirusa zutela baieztatuta. Osotara, hildakoen kopurua 385 da.
Alde positiboari erreparatuta, dagoeneko 1.123 lagunek jaso dute senda-agiria, eta horietako 131k atzo. Halaber, Zainketa Intentsioben Unitatean pertsona bakarra sartu behar izan dute, eta, ondorioz, 128 dira pandemia hasi zenetik ZIUn sartu izan dituztenak.
