Koronabirusaren egunerokoa

Ane Irazabal (kazetaria): “Italian gertatutakoa ikusita, gainontzeko herrialdeek oso denbora baliotsua galdu zuten”

Ane Irazabal kazetaria Eitb-ren Italiako berriemailea da. Erromatik mintzatu zaigu haren lanaz konfinamendu garaian, pandemia hasi zenetik egin diren akatsez eta osasun krisiaren ondoren sortuko diren krisi sozial eta ekonomikoez, besteak beste.

Koronabirusak gogor kolpatu du Italia, eta berrogei egun baino gehiago daramatzate konfinamenduan hango biztanleek. Han bizi da Ane Irazabal kazetari arrasatearra, eta handik jarraitzen ari den koronabirusaren krisia ulertzeko zenbait gako eman dizkigu.