Nafarroako Gobernuak, hainbat enpresaren laguntza teknikoarekin, CoronaTest Navarra aplikazio mugikorra garatu du herritarrei COVID-19 bidezko balizko infekzioari buruzko autoebaluazioa errazteko, gaixotasunaren sintomak identifikatuz. Tresnak COVID-19ren aurkako prebentzio-neurriei buruzko informazioa ere eskaintzen du, bai eta autozaintzarako gomendioak ere. Nafarroako pandemiaren egoerari buruzko informazio ofiziala zabaltzeko tresna ere bada aplikazioa, unean-unean eguneratua.
Herritarrei arreta emateko beste zerbitzu batzuen eskaria arintzeko asmoz sortu da aplikazioa, hala nola lehen mailako arretako zentroak, osasun-kontseiluaren zenbakia edo larrialdietako zerbitzuarena. Horretarako, autoebaluazio-test bat egitea eskaintzen du. Horren ondoren, emaitzak COVID-19 infekzioa izan daitekeela pentsarazten badu, erabiltzaileari aukera ematen dio hurrengo egunean dagokion osasun-zentroko profesionalek telefonoz harremanetan jartzeko, ebaluazio osoa egin ahal izan dezaten.