3.355 koronabirus kasu positibo baieztatu dituzte Nafarroan; hau da, atzo baino 124 gaixo gehiago. Atzo baino gorakada apalagoa izan da beraz azken orduetakoa.
Hildakoak, ordea, gehiago dira. Azken 24 orduetan 15 pertsona gehiago hil dira. Guztira 202 pertsonek galdu dute bizitza koronabirusarekin.
Bestalde, zainketa intentsiboetako unitatean ospitaleratu behar izan dituzten pazienteen kopurua ez da aldatu asteartetik, eta 124 dira, Osasun Ministerioaren datuen arabera.
Era berean, paziente sendatuen kopurua handitu egin da, 421era pasatuz, eta horrek 41 pertsonako gorakada islatzen du.
