Volkswagenek apirilaren 20an ekingo dio berriro ekoizpenari

Euskalerria Irratia 2020ko api. 7a, 08:19

Nafarroako Volkswagenen planen arabera, ekoizpena lehen astean berraktibatuko litzateke, txanda batekin, eta 530 auto ekoitziko lituzke egunero.

Miguel Angel Grijalba Nafarroako Volkswageneko Ekoizpen zuzendariak adierazi du Landabengo lantegiak "gaitasuna" duela koronabirusak eragindako geldialdian galdutako ekoizpena berreskuratzeko, baina adierazi du "zalantza handia" dela auto merkatuak nola jokatuko duen.

Volkswagen Navarrak apirilaren 20an jarduera berriro martxan jartzeko aukeraren aurrean, horretarako legezko baldintzak egotearekin eta langileen osasuna zaintzearekin lotuta, Miguel Angel Grijalbak adierazi du ekoizpena berreskuratzea ez dela soilik enpresek ekoizteko izango dutenaren araberakoa izango, baita "merkatuak eskatuko dituen autoen" araberakoa ere.

Nafarroako Volkswagenen planen arabera, ekoizpena lehen astean berraktibatuko litzateke, txanda batekin, eta 530 auto ekoitziko lituzke egunero, osasun krisiaren aurretik egiten zituen 1.438 unitateen aldean. Bigarren astetik aurrera bi txanda lan egingo lituzkete. Koronabirusaren osasun-arriskuko taldeen barruan dauden pertsonak ez lirateke lanera joango.

Nafarroako Volkswageneko zuzendaritzak bilera sorta hasi du astelehen honetan langileen ordezkariekin, ekoizpen jarduerara pixkanaka itzultzeko baldintzak adosteko. Abiarazteko erabakia hartu bezain laster, enpresa plantillarekin harremanetan jarriko da, xehetasun guztien berri behar besteko aurrerapenaz emateko.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!