Espainiako Osasun Ministerioaren datuen arabera, orotara, 2.682 lagunek positiboa eman dute COVID-19 birusaren proban Nafarroan. Datuak atzoko 21:00etakoak dira, eta jakinarazi berri dituzte.
Kutsatu berrien kopuruak beheranzko joera zuen pasa den ostiralaz geroztik —egun horretan izan zen positibo berri gehien, 230—, eta lau egunez beheranzko joera izan zuen; baina azken bi egunetan berriro gora egiten ari zen. Gaur, ordea, jaitsi egin da berriro ere: atzo 192 positibo gehiago erregistratu zituzten, eta gaur, berriz, 185. Hildakoen zifrak ere behera egin du azken 24 orduetan, atzoko datuarekin alderatuta; hamaika lagun hil dira, eta 141 dira hildakoak, orotara.
Hala ere, birusarekin kutsatu direnen artean dagoeneko 278k senda-agiria jaso dute; azken egunean 42 sendatu dira. Horrez gain, lau pertsona gehiago daude Zainketa Intentsiboetarako Unitateetan; guztira, 108.
