Kutsatutakoak, guztira, 2.497 dira; hildakoak, berriz, 130. 236 lagunek senda-agiria jaso dute, horietatik 44k azken 24 orduetan.
Espainiako Osasun Ministerioaren datuen arabera, orotara, 2.497 lagunek positiboa eman dute COVID-19 birusaren proban Nafarroan. Datuak atzoko 21:00etakoak dira, eta jakinarazi berri dituzte.
Kutsatu berrien kopuruak beheranzko joera zuen pasa den ostiralaz geroztik; egun horretan izan zen positibo berri gehien —230—, eta ordutik jaisten ari zen zifra hori. Atzo eta gaur, ordea, gora egin du berriro ere: atzo 159 positibo gehiago erregistratu zituzten, eta gaur, berriz, 192. Hildakoen zifrak ere, tamalez, gora egiten jarraitzen du: 130 dira hildakoak, orotara.
Hala ere, birusarekin kutsatu direnen artean dagoeneko 236k senda-agiria jaso dute; azken egunean 44 sendatu dira. Horrez gain, bost pertsona gehiago daude Zainketa Intentsiboetarako Unitateetan; guztira, 104
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!