Elurra kentzeko 25 makina jarriko ditu gaur martxan Nafarroako Gobernuak, 300 metrora jaitsi baita, oro har, elur kota Foru Erkidegoaren zati handienean.
Asteleheneko 10:00etan, errepide guztiak irekita zeuden, ibilgailuen zirkulaziorako arazorik ez zegoen, baina elurra egin du Nafarroako iparraldeko autobietan (Leitzaran eta A-1, Etxegarate) eta Lizarragan; beraz, arretaz gidatzea komeni da, eta alarma-egoeran egonda, soilik zirkulatzeko baimena dutenak ibili daitezke.
Elurte txiki bat ere izan da N-121-A errepidean, Belate parean. Erdi aldean ez da prezipitaziorik izan, nahiz eta prebentziozko tratamenduak egin diren; Erriberan ez da berritasunik aurkeztu.
AEMETen iragarpenaren arabera, prezipitazio ahulak espero dira gaurko, iparraldean elurra 200-300 metrotik gora, eta 500-700 metrotik gora 2 zentimetroko metaketekin. Astelehen honen amaieran, iragarpenaren arabera, elur arriskua eten egingo da.