Belaguako aterpeko zaharberritze lanak bertan behera geratu dira

Lanak bukatzear ziren eta udaberria amaieran espero zen aterpetxea berriz ere irekita izatea. Koronabirusaren krisialdiaren ondorioz, zaharberritze lanak bertan behera utzi dituzte Mendi Federazioko arduradunek, egoerak onera egin arte.

Aterpea 1971an eraikia, 2004rarte egon zen zabalik, Belaguara gerturatzen ziren mendizale eta eskiatzaileak jasotzen. Logelak, taberna eta jatetxea zituen. Orduz geroztik, itxita eta abandonatuta izan da. Ondorioz, egiturak kalte asko jasan ditu. 2018an Europako diru laguntza jaso zen aterpea zaharberritu eta berriz ere ateak irekitzeko. Eraikina bertan behera bota eta oinarrietatik hasi ziren lanak. Jose Maria Yarnos arkitektoak, 1971an eman zion itxura errespetatu da, bainan material berri, isolamendi hobeago eta energetikoki jasangarriagoa den egiturarekin berrituta