Parkeetatik ibili, bizikletan edo ta korrikan kirola egin, haur txikiak paseatu...debekatuta dago alarma egoera honetan. Atzo Nafarroan lehendabiziko isunak jartzen hasi ziren Foruzain eta Guardia Zibilek. Iruñeko Udalak parke eta jolastokiak zigilatu ditu.
Ezarritako neurriak betetzen ez dituztenek, esaterako, 100 eta 600 euro arteko zigorrak jaso ahal izango dituzte hesi edo zigilu bat kentzeagatik; 30.000 euro artekoak agente baten aurrean identifikatzeari uko egiteagatik; eta 60.000 euro artekoak herritarren osasuna arrisku larrian jartzen duten jokabideengatik.
Espainiako Gobernuak ezarritako neurrien arabera, elikagaiak eta botikak erosteko, lanera joateko, zaintza lanak egiteko eta txakurrak paseatzeko soilik atera daiteke etxetik.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
