Hiru euskal garraiolarien sindikatuak Nafarroako Gobernuak N-121-A errepidean ezarri nahi duen bidesaria "erabat gaitzetsi" du. "Bidesariak ez dira disuasio-neurri bat, N-I errepidean frogatu den bezala, baizik eta garraiolariek azpiegiturak berrordaintzeko modua, beraz, argi dago ezbeharren datuak ez direla hobetuko", iritzi dio.
Erabakiarekin gobernuak "errepidea hobetzeko egindako inbertsio eskasa" eta" kalitatezko garraio publikoa bultzatu ez izana" ezkutatu nahi duela uste du sindikatuak. Bidesariaren kudeaketaren inguruko informaziorik eman ez izana leporatu dio, eta kaltetuak garraiolariak izanen direla ohartarazi dute. "Errepide bidezko merkantzien garraioa bere ostasunean hobetzeko neurriak hartu beharrean, Nafarroako gobernua dirua biltzeaz bakarrik arduratzen da, garraiolariok egingo dugun azpiegituren berrordainketaren bitartez".