Enplegu bulego publikoetan 103 langabe gehiago erregistratu dira Nafarroan otsailean, %0,30, aurreko hilabetearekin alderatuta. Foru Erkidegoan 33.975 lagun daude lanik gabe, Espainiako Gobernuko Lan eta Gizarte Ekonomia Ministerioak gaur emandako datuen arabera. Urtea hasi zenetik 136 lagun gehiago daude lanik gabe, %0,40 egin du gora langabeziak.
Langabeziak behera egin du eraikuntza (32 lagun), industria (23) eta nekazaritza (hiru) sektoreetan; zerbitzuetan, berriz, gora egin du (48 pertsona).
Gehiago dira lanik gabe dauden emakumezkoak: 19.900 dira, eta gizonezkoak, berriz, 13.985. 25 urtetik beherakoak 3.184 dira, eta gainerakoak, 30.791, adin horretatik gorakoak dira. Sektoreka, gehienak zerbitzuen sektorekoak dira, 22.822; ondoren industriakoak datoz, 4.639; nekazaritzakoak 1.995 dira, eta 1.584 eraikuntzakoak.
