Xabi Bandini, kontu-kantari irratian

Popa eta elektronika uztartzen dituen 'Biba' lana plazaratu du kantari iruindarrak. 'Begibakar' bakarkako lehenengo diskoaren ondorengoa da. Bandinik azaldu digu erritmo leunak alde batera utzi eta bide berriak urratzeko gogoa piztu zaiola. Dantzan hasteko grina sentitu duela. Kerobia taldeko abeslari ohiaren ustez, 1990eko hamarkada modan dago. Kitarra eskuan 'Zalantza eta egia' abestia kantatu du modu akustikoan Metropoli Forala irratsaioan.