Nafarroako Gobernuak lasaitasun mezua zabaldu nahi du herritarren artean eta horretarako gaurko agerraldiaz gain informazioaren kudeaketan neurriak ere hartuko ditu. Aste honetan gertatu ez bezala, hemendik aurrera ez du ikertzen ari diren ustezko kasuen berri emango, soilik baieztatzen diren kasuen berri emanen du hemendik aurrera. Egun nafarroan dagoen birus bakarra, gehiegizko alarmismoa dela adierazi du Osasun saileko zuzendari nagusiak.
Momentu honetan, Nafarroako Gobernuak ez du gomendatzen atzerrian diren nafarren itzulera eskatzea. Leku hauetatik etorritakoei, sintomarik ez badute, bizitza normala egitea gomendatzen dio Gobernuak. Italiako iparraldean ikas bidaian diren ikastetxe bateko gurasoekin kontaktuan da osasun saila, ikasleak itzultzen direnean hartu beharreko zaintza eta prebentzio neurriak ezartzeko. Kutsatutako zonalderen batean izan diren pertsonei, lasai egoteko eskatu diete, eta sintomaren bat somatzekotan, sukarra gehien bat, larrialdi zerbitzuetara jo beharrean 112 telefono zenbakira deitzeko eskatzen dute.
Maskarillarik ez
Santos Indurain kontseilariak argi utzi nahi izan du maskarillen erabilera, une honetan ez dela gomendagarria, are gehiago "birusa kutsatzea ez dutelako ekiditen". Herritarrei lasai egoteko eta maskarillarik ez erosteko eskatu die.
