Ziordiko etxalde bat erre da bart gauean

Nafarroako suhiltzaile eta foruzainek 280 ardi atera dituzte barrutik baina ezin izan dituzte beste 20 animali erreskatatu. Foruzain batek ere zauriak izan ditu erreskate lanetan.

Gauean piztu da sua Ziordian eta lehen informazioen arabera azkar zabaldu da etxaldean. Altsasuko foruzain eta suhiltzaileak bertaratu dira eta animaliak barrutik ateratzen saiatu dira. 280 ardi atera dituzte baina beste 20 ezin izan dituzte erreskatatu. Foruzainek informatutakoaren arabera polizietako batek ere zauriak izan ditu. Kalte materialak garrantzitsuak dira etxaldean.