Diputatuen Kongresuan EH Bilduko Nafarroako ordezkariak, Bel Pozuetak, Foru Berriaren helegitea eta autogobernuaren errespetuaz galdera egin dio. Carolina Darias Lurralde Politikako ministroak erantzun duenez, Nafarroako Gobernuarekin hitz egiteko prest dago, Foru Berriari buruzko akordioa bilatzeko eta Auzitegi Konstituzionalean lege horren aurkako helegitea atzera bota ahal izateko; horretarako, Konstituzioa bete beharko duela gaineratu du.
"Akordioa posible da gai batzuei uko egiten badiegu eta bloke konstituzionalera mugatzen bagara", esan du ministroak Kongresuko Osoko Bilkuran, Bel Pozueta EH Bilduko diputatuari erantzunez. Pozuetak "oso larritzat" jo duela gobernu berriak nafarrekiko hartu duen lehen erabakia foru lege horren aurkako helegitea izan dela.
Pozuetak gaitzetsi egin du Pedro Sanchez Gobernuko presidentea "elkarrizketaz harrotu" izana, eta Maria Txibite Nafarroako Gobernuko presidenteak defendatu izana hura dela "autogobernua ulertzen duen" gobernua. "Ez dirudi zuek kontuan hartuko duzuenik", gaineratu du diputatuak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
