"Aurten ere kaleak beteko ditugu" adierazi du Mugimendu Feministak prentsaurrean, "Ozen eta argi esango dugu, jendarte eredu hau bizigaitza dela pertsona gehienontzat, batez ere emakume eta genero disidenteontzat, eta jasanezina planetarentzat". Aurreko urteetan greba deialdi arrakastasuak lortu ditu mugimendu feministak, zentzu horretan, "Borroka feminista beharrezkoa da oraindik, gaur duela urtebete bezala, horregatik parte hartu genuen urtarrilaren 30eko greba orokorrean. Greba feminista emakume langileak antolatzeko bitarteko bat gehiago da, ez da helburu bat, beste eredu sozial eta produktibo bat salatzeko eta aldarrikatzeko tresna bat baizik".
Martxoaren 8an bertan, auzoz auzo eta herriz herri manifestazioak eginen dira eguerdian. Arratsaldeko 18:00etan manifestazio erraldoira dei egin dute Antoniuttitik aterako dena.