Joan den astean, Espainiako Polizia Nazionaleko Nafarroako Buruzagitza Nagusiko agenteek, Dantxarineako muga-postuko Atzerritartasun eta Dokumentazio Unitateetako kideek eta Frantziako Mugetako Polizien Hendaiako agenteek patruila bat egin zuten elkarrekin, “immigrazio irregularreko sareen aurkako borrokan laguntzeko”.
Dantxarinean, 20 ibilgailu baino gehiago kontrolatu zituzten, eta mugaren bi aldeetan zihoazen 40 pertsona inguru identifikatu zituzten.
Zerbitzuak Espainiako Erresumak eta Frantziako Errepublikak 1998ko uztailaren 7an Bloisen sinatutako Polizia eta Aduana arloko Mugaz Gaindiko Lankidetza Hitzarmenean du legezko oinarria. Hitzarmen hori 2003ko irailaren 1etik dago indarrean.
Polizia Nazionalaren 2017-2021 Plan Estrategikoaren helburuetako bat da immigrazio irregularraren aurka borrokatzea eta legez kanpo antolatutako sareak desegitea, mugetako kontrola sustatuz eta hobetuz, delitu-tipologia horren aurka borrokatzeko ezarritako segurtasun-politikara egokituta, eta Polizia Nazionalak gidatuta.
Horregatik, bi herrialdeetako poliziek osatutako patruila bateratuak ezarri ohi dira, immigrazio irregularra sustatu eta mehatxu horiek indargabetu ditzaketen jokabideak antzemateko.