Konstituzio Auzitegiaren osoko bilkurak tramitera onartu du Espainiako Gobernuak Foru Berria aldatu eta eguneratzeari buruzko apirilaren 4ko 21/2019 Foru Legearen 2. artikuluaren aurka sustatutako konstituzio-kontrakotasuneko errekurtsoa.
Auzitegiak agindu du aurkeztutako demanda eta agiriak Diputatuen Kongresuari, Senatuari eta Nafarroako Parlamentuari eta Gobernuari helaraztea, hurrenez hurren, bertaratzeko aukera izan dezaten eta egoki iritzitako alegazioak egin ditzaten.
Gobernu zentralaren ustez, "konstituzioaren 149.1.8 artikuluan biltzen den estatuak legeria zibilaren arloan duen eskumena urratu ahal izan da", azaldu du Konstituzionalak ohar batean.
Erabaki horrek ez du esan nahi arauak automatikoki etengo direnik, Gobernuak ez baitu konstituzioaren 161.2 artikulua arrazoitzat aipatu.