Gaur egun, Harkaitz Martinez de San Vicente eta Mikel Ugarte txalapartariek osatzen dute Oreka TX taldea, Mixel Ducau, Iñigo Eguia eta Juan Jose Ochandorenarekin batera. Bost kontinenteetan barrena aurkeztu dituzte beren lanak, eta publiko eta kritika espezializatua konkistatu, instrumentuaren ikusgarritasunari eta bandaren energiari esker. Lan berri honetan boskotearen azken urteetako ibilbide musikalaren emaitza islatzen da, non bere estilo propioan sakontzen duten, lengoaia garaikide batetik instrumentu organiko eta naturalak erabiliz.
Sarrera gutxi geratzen dira txalapartariak zuzenean ikusteko. Noainen ostiralean eskainiko dute kontzertua, sarrerak kultur etxeko orrialdean daude salgai. Arangurenen igandean izanen dira, kultur etxean eskuratu daitezke sarrerak.
