Atzoko Mahai eta Eledunen Batzarraren ondotik galdetu zioten PSNko eledun Ramon Alzorrizi Urkulluren gobernuan proposamenaz. “Sakabanaketa terrorismoari aurre egiteko erabili zen neurri bat da, baina terrorismoa jada ez da existitzen, eta kontua ez da presoak kalera ateratzea, baizik eta hurbiltzea, legeak dioen bezala”, erantzun zuen. Alzorrizen aburuz, agertoki ezberdin baten aitzinean, zorrozki bete behar da legeak dioena, hau da, presoek haien zigorra bete dezatela haien bizitokietatik ahalik eta gertuen”.
Geroa Baik eta EH Bilduk ere sakabanaketaren aurka egin zuten. Navarra Sumako eledun Javier Esparzak, aldiz, gogor egin zuen hurbilketaren kontra: “Aurkeztezina da presoen hurbilketa truke politiko baten ondorioa izatea. Espetxe politikan irizpide judizialak erabili behar dira, eta ez politikoak”.
