Estatuko Meteorologia Agentziak (Aemet) alerta horia ezarri du biharko, larunbata, elurragatik Nafarroako Pirinioetan. 1.000 metrotik gorako kota izango baita eta 24 ordutan 5 zentimetroko pilaketak izan baitaitezke.
Zerua oso hodeitsu edo estalita egongo da bihar, eta egunaren bigarren partean tarteka hodeiak nagusituko dira; Kantauri isurialdean prezipitazio txikia izango da. Elur-kota 1.400 metro inguruan kokatuko da eta 1.000 metro ingurura jaitsiko da Pirinioetan.
Igandean egun hodeitsua espero da, oso hodeitsua edo estalia izateko joerarekin, eta egunaren bigarren partean euria egingo du, Erriberan gutxiago. Elur-kota 900 metro inguruan kokatuko da, eta tenperaturak behera egingo du eta izotz txikia egingo du; bereziki, Pirinioetan. Egunean zehar 700/400 metro inguruan ibiliko da kota; beraz, baliteke Iruñera iristea.