Hauteskunde gastuaren muga gainditzeagatiko zigorra kentzeko eskatuko dio Nafarroako Parlamentuak Espainiari

Euskalerria Irratia 2020ko urt. 15a, 18:34

Egun, hauteskunde gastuen muga gainditzen duten alderdiek gutxienez 50.000 euroko zigorra dute.

Nafarroako Parlamentuko Lurralde Kohesiorako Batzordeak onartu du Hauteskunde Araubide Orokorraren Lege Organikoa eta Alderdi Politikoak Finantzatzeko Lege Organikoa partzialki aldatzen dituen proposamenaren inguruko irizpena. Lege horren helburua da 50.000 euroko gutxieneko zigorra kentzea, hauteskunde-gastuaren mugak %10 edo gehiago gainditzeagatik, aurreko udal-hauteskundeetan parte hartu zuten sigla txikientzat "gehiegizko" zigorra dela iritzita.

Irizpena eman ondoren, lege-proposamena Legebiltzarreko osoko bilkurara eramango da, behin betiko eztabaidatu eta bozkatzeko. Onartuz gero, ekimena hiru foru parlamentarik defendatu beharko dute Behe Ganberan, baldin eta Diputatuen Kongresuko Mahaiak izapidetzeko onartzen badu.

Foru lege proposamena Geroa Baik, EH Bilduk, Ahal Duguk eta Izquierda-Ezkerrak bultzatu dute, eta egungo erregulazioaren ondorioak zuzentzea du helburu, "bermatzeko hauteskunde gastuaren mugak aukera ematen duela hauteskunde kanpaina minimo bat edo gutxienez gutunazalak eta propaganda zuzenean bidaltzeko, eta sabai horrek lotura izan dezala jaso beharreko hauteskunde diru-laguntzen zenbatekoarekin".

 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!