Oteiza Fundazioko patronatuak Jaione Apalategi irakaslea Jorge Oteiza Fundazioko presidente berri izendatzea erabaki zuen atzo. Gauzak horrela, Jaione Apalategik Rafael Moneo ordezkatuko du karguan, "Patronatuko karguen erreleboaren normaltasunaren barruan, Fundazioaren Barne Erregimeneko Araudian jasotakoaren arabera", erakundeak berak ohar batean azaldu duenez. Bestalde, Rafael Moneok Oteiza Fundazioari lotuta jarraituko du, Fundazioko patrono eta ohorezko presidente gisa.
Oteiza Fundazioko patronatuak eskerrak eman dizkio Rafael Moneori lehendakaritzan egindako lanagatik, "Fundazioaren helburuak berrantolatzera eta Jorge Oteizaren lana aintzat hartzen laguntzera bideratutako ekintza ugari bultzatu dituen funtsezko lana", eta, aldi berean, haren "giza berotasuna eta anbizio intelektuala" haztatu ditu.
Jaione Apalategik, bestalde, esker ona agertu du izendapenagatik, eta "Patronatuko gainerako kideen ekarpen eta ahalegin guztiak biltzen jarraitzeko borondatetik lan egiteko nahia" adierazi du.
Sortu zenetik, Oteiza Fundazioaren patronatuko buru izan da, lehenik, Juan Huarte enpresaburu eta mezenas artistikoa; ondoren, Pedro Manterola saiakera-egile eta arte-aditua; geroago, Francisco Calvo Serraller historialari, saiakera-egile eta arte-kritikaria, eta, azkenik, Rafael Moneo arkitektoa.
Jaione Apalategi, Oteiza Fundazioko lehendakari berria
Nafarroako Unibertsitate Publikoko Giza Zientzia eta Hezkuntza Departamentuko Ezagutza eta Didaktika eta Eskola Antolaketa Arloko irakasle titularra da, eta Jorge Oteiza Museoa Fundazioaren patronatuko kidea da 1996an sortu zenetik.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
