Javier Remirez Nafarroako Gobernuko bozeramaileak adierazi duenez, exekutiboak "eskua luzatuta eta besoak zabalik" ditu Foruzaingoan "Guardia Zibilaren Trafiko Taldeko agenteak bezalako profesional handiak" hartzeko, trafikoaren eskumena Foru Komunitatearentzat negoziatzearen aurrean.
Bozeramaileak azaldu duenez, Nafarroako Gobernutik ez dute zuzenean hitz egin Guardia Zibilarekin, horretarako eskuduntzarik ez dutelako. "Nafarroako Gobernuak harremana izan behar du nazioko Gobernuarekin".
Exekutiboaren bileraren osteko prentsaurrekoan, Remirezek esan du "kolore politiko guztietako gobernuek duela 20 urtetik egindako lan bat" amaitzera doazela; izan ere, "beste mugarri batean gaude, PSOEren eta EAJren akordio politikoan hain zuzen ere, Nafarroari trafikoa transferitzeari begira".