Isun mehatxua Osasunari, Zozulyaren kontrako oihuengatik

Futbol Ligak indarkeriaren kontrako batzordera igorri du Osasuna eta Errealaren arteko partidaren akta. Idatziaren arabera, 400 zale gorritxok "modu koralean eta koordinatuan abestu zuten 10 segundoz:  'Nazia zara, Zozulya nazia zara ‘(Eres un nazi, Zozulya eres un nazi)” Albaceteko aurrelariari erreferentzia eginez.

Indarkeriaren Kontrako Batzordeak aktak aztertu eta isunak edo zigorrak ezar ditzake. Zozulya jokalariaren kasuan, Vallecasen bere taldeak jokatu zuen partidaren suspentsioa ekarri zuen, harmailetatik egindako oihuengatik. Zozulya jokalari ukrainiarrak behin baino gehiagotan erakutsi ditu sare sozialetan bere herriko talde neo-nazien aldeko jarrera eta horregatik hainbat zaletu talde kontra jarri zaizkio.