Pedro Sanchez presidente hautatzeko bigarren bozketaren aurretik Euskalerria Irratian izan da Bel Pozueta EH Bilduko Nafarroako diputatua. Azken orduetan zabaldu diren bozka aldaketen harira Pozuetal argi adierazi du "Panorama ikusita, Gobernua aurrera ateratzeko gure bozka beharko balitz, arduraz jokatuko dugu".
"Ez dugu sorpresarik espero eta gure oinarriek agindutakoari erantzunez, abstentzioarekin azalduko gara bozketan" azaldu du Pozuetak Euskalerria Irratian, "Baina zedozer arraroa somatuko bagenu eta gure esku egonen balitz Gobernu aurrerakoia aurrera ateratzea, zentzudunez eta arduraz arituko gara".
Inbestidura eztabaidan izandako jarrera sutsuen aurrean, "Lotsagarriak eta demokrazian onartezinak" direla adierazi du Bel Pozuetak, "Eskuinak bere estatu eredua, bere erregimena kinka larrian ikusten duenez sutsuki azaldu ziren aurreko eguneko saioan". Zentzu horretan, EH Bilduko diputatuak, beste taldeek erakutsi zieten babesa eskertu nahi izan du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!