Sephora kosmetikoen merkataritza-dendak, langile guztientzako lan-egutegi bat negoziatu eta adostu du. Egutegi horretan, goizeko eta arratsaldeko asteak ezartzen dira, aste osoan ordutegi berarekin, eta gehiegizko lanaldia, halakorik balego, urteko edozein egunetan itzultzen da, larunbatak barne.
2019ko ekainean, Sephora enpresako langileek hauteskunde sindikalak egitea erabaki zuten, eta, horren ondorioz, ELAko ordezkaritza sindikala aukeratu zuten (ordezkari bat Carlos III.aren dendan eta beste bat La Morearen dendan). Ordutik lan egutegiari buruzko akordioa izan da negoziazioaren xede nagusia. Enpresak negoziatzeari uko egin zionez, Sephora enpresako langileek grebak deitu zituzten abenduko azken egunetarako.
Azkenean, enpresak akordio batera iritsi behar izan du, eta lehen aldiz lan-egutegia adostu da. Egutegi hori oinarrizkoa da emakumeek soilik osatutako plantilla baten lana, pertsonala eta familia uztartzeko. Egutegiaz gain, enpresak nahitaez aitortu eta eguneratu behar izan du "soldatak homogeneizatzeko osagarria". Osagarri hori hilean 190 €-ra artekoa izan daiteke saltzaileentzat, eta orain arte enpresak ez zuen ordaintzen, hitzarmenean jasota egon arren.
ELAk akordioaren balorazio positiboa egin du, berriro ere agerian geratu delako antolatzen diren plantillek enpresei botere guneak jokatzeko eta lan eskubideak eta baldintzak berreskuratzeko aukera ematen dietela.
