“24an oso urduri egoten naiz, gauean etxerik-etxe opariak banatzen hasten naizen arte. Horregatik, niretzako oso lasaigarria izaten da irratira joatea eta haurrekin telefonoz hitz egitea, haien kantuak entzutea… Oso gustura egiten dut”, azaldu digu Olentzerok.
Urtero bezala, gaur, abenduaren 24arekin, ikazkinak tartetxo bat gorde du bere agendan Irrintzi Dorrera hurbiltzeko: 9:00etatik 11:00etara izanen dugu estudioan. Urtero bezala, opari andana ekarriko du entzuleen artean banatzeko.
Olentzerok azaldu digunez, opariok prestatzen laguntza handia eman diote, eskuzabaltasun handiz, honako euskal kultur eragileok: Erein, Alberdania, Elkar, Ttarttalo, Pamiela, Txalaparta, Denon Artean, Ibaizabal, Berria, Argia, Katxiporreta, Promomusic...