Irurtzungo taldearen hirugarren golarekin gertatu zen. Araça-k Tuterako atzelari baten erorketa probestu zuen gola sartu eta orain dela gutxi hil den bere aitari eskeintzeko. Taldekide guztiek bat egin zuten jokalariarekin besarkadan. Une horretan, harmailatik gizonezko bat gerturatu zen hesira erotuta eta irain arrazistak oihukatu zizkion gertutik. Xotako kapitaina den Roberto Martil ohartu zen egoeraz eta Tuterako jarraitzailearengana egin zuen haserre. Harmailako beste jarraitzaileak oihuka eta irainka hasi zitzaizkion orduan Irurtzungo taldeko jokalariari. Inork ez zuen ordea jarraitzaile arrazistaren jarrera.
Gertakizunak oihartzuna izan du sareetan eta hedabideetan. Bi taldeek, Aspil Riberak eta Osasuna Magna Xotak gertatutakoa gaitzetsi eta salatu dute. Pertsona hori kirolguneetan ez sartzea eskatu dute sareetan zaletuek.